JRE（Joint Recruitment Examination，聯合招聘考試）係政府招聘 AO 同多個學位職系嘅筆試。好多人以為英文好、成績好就一定過，但我做 EO 時負責招聘、面試過近 1,000 人，見得最多嘅情況係：寫得出字，但答案停喺「描述問題」，寫唔出對應措施。
呢版係成個網站嘅總目錄：由考試資訊、審題方法，到英文題、中文題嘅寫法，全部由呢度開始。
2026 JRE 重點資訊
- 考試日期：2026 年 12 月 5 日（香港，另設北京、上海、倫敦、紐約、多倫多、溫哥華、悉尼考場）
- 適用職系（2026-27）：政務主任（AO）、二級行政主任（EO II）、助理新聞主任（一般）（AIO）、二級助理貿易主任（ATO II）、二級管理參議主任（MSO II）、二級運輸主任（TO II）
- 前提要求：CRE 中文運用及英文運用達二級（或同等）、CRE 能力傾向測試及格，以及《基本法及香港國安法》測試（學位／專業程度職系）及格
- 未有 CRE 成績嘅考生，可以喺 12 月 5 日同日應考指定 CRE
考試安排與成績認可一律以公務員事務局官方公佈為準。
JRE 考咩？唔係考你幾聰明
JRE 嘅政策題，往往冇非黑即白嘅答案。考官想睇嘅係：你可唔可以由一堆資料入面辨認出問題，睇到唔同持份者同多方面影響，再提出可行、有理據嘅行動。
官方說明有一句好多人忽略：單純重複背景資料而唔加分析，係唔會攞分嘅。
第一步：審題五問
落筆之前，先答晒呢五條問題：
- 我係咩角色？
- 寫畀邊個睇？
- 要交咩文體？
- 有幾多項指定任務？
- 要作出咩決定？
👉 詳細拆解：審題與答題框架
第二步：用思路圖組織答案
問題 → 影響 → 措施 → 成效。每一個你指出嘅問題，都要有對應嘅措施同預期成效，答案先會「有分析、有觀點」。
英文題攻略
英文題嘅核心係「從資料裡搵問題」：讀晒資料、篩選重點、再按任務要求寫成合適文體。
👉 全部文章：JRE英文題
中文題攻略
中文題嘅核心係「從議題建立立場」：清楚表態、有層次咁鋪陳論點，用合乎公文要求嘅語氣。
👉 全部文章：JRE中文題
考試資訊與職涯
想有人幫你睇答案？
自己操題最大嘅盲點，係唔知自己錯喺邊。我提供一對一批改、教練堂、小組班同面試準備。
考前想快啲搭好答題框架？
免費下載《JRE Last Minute 攻略》：審題五問、官方樣本拆解、答案對照，4 頁一次過睇晒。